Tolosaldeko Hitza

1996. urtean ere sari bera irabazi zuen Igerabidek, Karlos Linazasororekin batera, Gau, gau, gau lanarekin, eta aurten berriro lortu du epaimahaiaren oniritzia. Manu Lopez Gasenik epaimahaikidearen esanetan, Kakotxen k herrialdea "oso eleberri entretenigarria da. Alegiazko bi erreinuren arteko harremanak kontatzen ditu, eta

emakumeen zorroztasunari esker bertan sortzen diren arazoak nola konpontzen dituzten erakusten du". Bestalde, "lankidetza eta adiskidetasuna bezalako baloreak bultzatzen ditu, eta harrapatu egiten du irakurlea", gaineratu du iaz saria irabazi ondoren aurten epaimahaikide izan den idazleak.

Irabazlearen lana kaleratzeaz gainera, SM argitaletxeak euskarazko produkzioaren aldeko apustua egin du. Horretarako, euskal idazle gehiagoren lanak argitaratuko ditu, irakurketa bultzatzeko ekimen berriak sustatuko ditu eta gaur egun dituen testu-liburuak euskaraz ere kaleratuko ditu, hizkuntza horretan duen eskaintza zabaltzeko.

SM fundazioa 1985. urtean hasi zen sari hau banatzen, eta 2007an 10.000 euroko saria ematea erabaki du, haur eta gazteei euskaraz zuzendutako literatura indartu eta bultzatu nahian.